वार्षिक नौदल शिक्षण सोसायटी परिषद – 2023 चे पोरबंदर येथे आयोजन.

PIB Mumbai  : 12 NOV 2023:  वार्षिक नौदल शिक्षण सोसायटी (NES) परिषद 2023 चे मुख्यालय गुजरात, दमण आणि दीव नौदल क्षेत्राच्या पोरबंदर येथील मुख्यालयात 09 – 10 नोव्हेंबर 2023 रोजी आयोजित करण्यात आली होती. या परिषदेचे अध्यक्षपद व्हाइस ॲडमिरल तसेच कार्मिक प्रमुख आणि नौदल शिक्षण सोसायटी (NES) चे अध्यक्ष कृष्णा स्वामीनाथन यांनी भूषविले. या परिषदेला कमोडोर जी रामबाबू, कमोडोर (नौदल शिक्षण) तसेच नौदल शिक्षण सोसायटीचे उपाध्यक्ष आणि देशभरातील नौदलकर्मींच्या मुलांच्या शाळांचे शैक्षणिक तसेच प्रशासकीय नेतृत्व देखील उपस्थित होते. परिषदेचा एक भाग म्हणून आयोजित कार्यकारी समिती, व्यवस्थापन सल्लागार समिती आणि शैक्षणिक सल्लागार समितीच्या बैठकांमध्ये राष्ट्रीय शैक्षणिक धोरण (NEP) 2020 च्या अंमलबजावणीसाठी विशिष्ट चालना देऊन नौदल शाळांच्या धोरणात्मक आराखड्यावर विचारविनिमय करण्यात आला. प्रथमच, विविध विभागातील नौदल त्यांवरील नौदल शाळांमधील बालवाडीचे प्रतिनिधी या परिषदेत सहभागी झाले होते.